Tes algunha dúbida ou consulta relacionada cos residuos, a reciclaxe ou o lixo?
Queres mudar as túas pautas de consumo e non sabes por onde comezar?
Queres facerlle chegar aos representantes políticos do Morrazo consultas sobre a xestión dos residuos da túa cidade?
Neste apartado, dirixido a veciñas e veciños do Morrazo, atoparás información práctica que che axudará a saber máis sobre os residuos que xeramos, como funciona a separación selectiva, e como podemos minimizar o lixo e a adoptar un consumo sustentable e respectuoso coa nosa contorna.
Ademais, se participas nesta campaña (no programa de compostaxe, no programa escolar ou nalgunha das actividades de sensbilización que organizamos), podes compartir a túa experiencia e axudar a que a túa veciñanza se sume ao coidado do noso medio.